Harremanetarako | Nor gara

Berriak berri

Arabako herrien izenak

Araba / Álava. Los nombres de nuestros pueblos liburua aurkeztu da Gasteizen, Arabako Foru Aldundian.

Liburuak Arabako toponimia nagusia aztertzen du eta Euskaltzaindiaren Izenak bildumaren barruan argitaratu da, Arabako Foru Aldundiaren babesarekin.

Egilea Patxi Salaberri Zaratiegi euskaltzain eta Euskaltzaindiko Onomastika batzordeko burua da. Salaberrirekin batera, Igone Martinez de Luna Arabako Euskara, Kultura eta Kirol Saileko foru diputatuak eta Andres Urrutia euskaltzainburuak aurkeztu dute.

Toponimiaren garrantzia -eta liburuak egiten duen ekarpena- azpimarratu dute Martinez de Lunak eta Urrutiak. Foru diputatuaren esanetan, azken urteotan, Arabako toponimia nagusia normalizazio prozesuan murgilduta dago eta erakunde publikoak prozesu horren sustatzaileak dira. “Babes horren erakusle bikaina da argitalpen hau -gaineratu du- Arabako toponimia nagusiko izenei ikuspegi global batetik heltzen dien lan mardula baita. Hala ere, gure kasuan, administrazioaren eguneroko jardunean toponimo horiek jarduera administratiboko idazkietan, aldizkari ofizialetan, seinaleetan, paneletan, argitalpenetan geure egiten ditugu”.

Euskaltzainburuaren esanetan, bestalde, gaur aurkeztu den liburua “eskertzeko modukoa da, batetik, gogora ekartzen dizkigu Arabako izenak, modu adierazgarrian ikertuak eta azalduak; bestetik, tresna baliotsua ematen dio Akademiari euskararen normalizazio lanean jarraitzeko, Arabako toponimiaren aldetik oinarri funtsezkoak antolatuz”.

Patxi Salaberrik azaldu duenez, Arabako herri izen guztiak ukitu ditut. 520 sarrera baino gehiago ditu liburuak, herrienak gehienak, eta bestelako entitateenak zenbait aldiz (Araba, Ergoiena, Gasteiz, Haran, Zuia eta abar). Horietaz landara, hainbat herri husturen izenak ere aipatzen ditut, beste toponimoak aztertzean ongi heldu zaizkidanean (Abitoa edo Abitona, Aiala, Arbelgoihen, Azua, Baternia edo Paternina, Berezeka, Gardelain, Girku, Lupierro, Ribota, Santsoeta, Udala, Urrialdu, Vercijón eta beste).

 

gehiago irakurri

Ezin dugu umeen euskalduntze osoa eskolaren esku utzi

Aritz Eskandonak Kultur Kabiako teknikariak Ikasgelaz harago, haurrak euskaraz sozializatzeko gako batzuk eskainiko ditu datorren ostegunean Oihaneder Euskararen Etxean Aritza Escandonek, Gasteizen egin duen ikerketa bat oinarri.

Nola jokatu euskaraz hazitako haur bat etxera gazteleraz egiten datorrenean? Zer egin dezake euskalduna ez den aita edo ama batek, bere seme-alaba euskaraz sozializatzeko? Nola aritu, bikotean kide bakarra baldin bada euskalduna? Ohikoak dira kezka linguistikoak familiartean. Horiek abiapuntu, Gasteizen ikerketa egin du Aritza Escandonek (Bilbo, 1977), Topagunea euskara elkarteen federazioaren Kultur Kabia enpresako kideak, Udalaren Euskara Zerbitzuak eskatuta.

Datorren ostegunean, abenduaren 17an, emaitzen berri emango du Oihaneder Euskararen Etxean. Era berean, familientzat aholkuak eta baliabide praktikoak eskainiko dituzte.

gehiago irakurri

KUKU! Euskara opari familia berrietan

Arabako gizartea urte luzez ari da belaunaldi berriak elebidun izatearen hautuan, hau da, seme-alabei euskara oparitzearen bidetik, argi dagoelako euskara jaso edo adoptatzen denean hiru maila ezberdintzen direla: familia transmisioa, irakaskuntza eta helduen euskalduntzea.

Euskararen Foru Zerbitzuaren II.Plan Estrategikoari jarraiki, Arabako Foru Aldundia Osakidetza Araba Eskualdea eta Arabako Ospitale Unibertsitariarekin elkarlanean programa bat jarri du abian hurrengo bi urteetan Arabako familia berri guztiei opari bat egiteko, KUKU liburua, euskararen adopzioan eta jaio berriari transmisioan laguntzeko, bai eta , ingurune eleaniztun batean familia berri bakoitzak nola jokatu jakin ahal izateko.

gehiago irakurri

Helduen jarduera fisikoetan eta kiroletan euskaraz

Arabako Foru Aldundiak Arabako Euskara Zerbitzuekin elkarlanaren bidez helduen jarduera fisikoetan euskararen erabilera handitu dadin gida bat sortu du hainbat iradokizun eta baliabiderekin, horretarako hainbat ideia eta tresna eskaintzen ditu.

Gidaren aurkezpena azaroaren 10ean Arabako Kirol Federazioen egoitzan izango da, arratsaldeko 19:00etan.

Iradokizun eta baliabideen aurkezpena Iñaki Eizmendi gizarte hezitzailearen esku izango da.

Gida deskargatzeko moduan jarraian, dokumentuak atalean edo kirol gidaren bannerrean.

gehiago irakurri

Gazte Sortzaileak

1.- Gasteizko Udalaren Euskara Zerbitzuak, Arabako Foru Aldundiaren Euskararen Foru Zerbitzuaren laguntzarekin, euskarazko kulturgintza bultzatzeko asmoz, Gazte Sortzaileak beka deialdia sortu du. Beka horren helburuak dira: (a) gazteen artean sorkuntza bultzatzea (b) Gasteizko kultura programazioan, besteak beste, eragitea, gazteek gazteentzat sortutako jardueren bidez.

2.- 17 eta 35 urte bitarteko gazteek parte har lezakete deialdi honetan. Horretarako bi kategoria antolatu dira: 17-24 eta 25-35 biak barne. Pertsona fisikoak izan behar dira proiektua aurkezten dutenak, bakarka zein taldeka aurkeztu daitezke, eta elkarte edo entitate batean izenean egiten badute hala adierazi beharko dute eskaeran bertan. Pertsona bakoitzak proiektu bakarra aurkeztu dezake.

Deialdiak 18.000 euroko aurrekontua du. Proiektuek ezin izango dute 4.000 euro baino gehiago jaso.

Proiektuak azaroaren 13a baino lehen bidali behar dira helbide honetara: Gasteizko Udalaren Erregistro Nagusia -Teodoro Dublang margolaria 25.

gehiago irakurri

Haur eta gazteen jardueretarako hezitzaileentzako GIDA

Arabako gizartea gero eta elebidunagoa da eta 5-16 urte bitarteko arabar biztanleen ia %75a elebiduna da dagoeneko. Baina euskararen erabilera da hobetu beharrekoa oraindik ere, eskola barruan ikasitakoa aisialdian adibidez erabiltzea.

Gaztetxoek aisian aritzen direnean hezitzaile –begirale bat daukate inguruan eta arduradun hau da talde horretan euskararen presentzia eta erabilera bermatzeko giltza.

Horregatik, haurrekin eta gazteekin lan egiten duten hezitzaileen bitartez euskararen ohiko erabilera bultzatzeko xedez, (hizkuntza errutinen bidez, kartelen bidez…) Euskararen Foru Zerbitzuak urrats eta aholku sorta dakartzan gidaren bigarren zabalkundeari ekingo dio.

gehiago irakurri

Albiste gehiago

Diru-laguntzak

UDAL ETA KUADRILLEK EUSKARAREN ERABILERA ETA SENTSIBILIZAZIO PROGRAMAK GARATZEKO DIRULAGUNTZA ELKARTE ETA ENTITATEEK ETA KIROL FEDERAZIOEK  EUSKARAREN ERABILERA NORMALIZATZEKO PROGRAMAK EGIN DITZATEN Arabako Lurralde Historikoko kuadrillei eta Trebiņuko udalei euskara arloan laguntza teknikoa eskaintzeko dirulaguntza  
UDAL ETA KUADRILLEK EUSKARAREN ERABILERA ETA SENTSIBILIZAZIO PROGRAMAK GARATZEKO DIRULAGUNTZA ELKARTE ETA ENTITATEEK ETA KIROL FEDERAZIOEK EUSKARAREN ERABILERA NORMALIZATZEKO PROGRAMAK EGIN DITZATEN Arabako Lurralde Historikoko kuadrillei eta Trebiņuko udalei euskara arloan laguntza teknikoa eskaintzeko dirulaguntza  

Argitalpenak

Euskararen bidea Agurainen

Euskara berreskuratzen egindako bideak erakusten digu ildo berari jarraituta aurrera egin dezakegula. Beraz, etorkizunari begira ere, orain arte funtsezkoak izan diren hitzak azpimarratu nahi ditugu: Euskara eta euskal izaeraren kontzientzia. Esan eta egin, auzolana eta konpromisoa, ilusioa eta etorkizuna.

Euskararen bidea Agurainen: Iraganean beltz, orain amets, bihar baietz!

Euskararen bidea Agurainen

Euskararen aurkibidea

mapa

Euskararen inguruko elkarte, enpresa, talde, instituzio, etab. guztiak bilatu ditzakezu hemen:


Bilaketa aurreratua

Euskararen agenda

atzera Otsaila 2016 aurrera
1234567
891011121314
15161718192021
22232425262728
29      
Harpidetu zaitez

Ba al zenekien?

Bazenekien...

Bazenekien...

© 2009 Euskaraba, Arabako Euskararen ataria - ARABAKO FORU ALDUNDIA
Probintzia plaza z/g, 01001 Vitoria-Gasteiz - Araba T.: 945 18 18 18
iametza interaktiboak garatuta
CSS | XHTML | WAI-A