Harremanetarako | Nor gara

Berriak berri

Sortegiak sormen ikastaroak: antzerkia eta zinema

Antzerki sormena eta zinema sorkuntza ikastaroek osatzen dute Oihaneder Euskararen Etxeko 2016ko Sortegiak euskarazko sormen ikastaroen eskaintza. Javier Fernandezek emango du lehenengoa eta Maider Oleagak bigarrena, Gasteizko bi sortzaile garrantzitsu, bakoitza bere arloan esperientzia handikoak. Ikastaroak urritik abendura bitartean burutuko dira larunbat goizetan.

Interesdunek irailaren 12tik 25era bitartean izango dute izena emateko aukera. Ikastaroak, zehazki, urriaren 15etik abenduaren 17ra bitartean burutuko dira, larunbatetan, 11:00etatik 14:00etara. Bakoitzak 8 saiotako iraupena izango du.

Alde teorikoa eta praktikoa landuko da eta bukatutakoan ikasleek amaierako lana (antzezlana edo laburmetraiak) aurkeztuko dute Euskararen Etxean. Beraz, euskaraz sortzeaz gain, sortutakoa euskaraz erakusteko aukera izango dute. Era honetan, transmisioaren kateak katebegi berriak izango ditu eta ezagutza eskuz-esku eta ahoz-aho pasako da sortzaile batengandik bestera.

Ikastaroak 18 urtetik gorako pertsonei zuzendutakoak dira. Izena emateko epea irailaren 12an hasi eta 25ean bukatuko da, biak barne. Ikastaro bakoitzak 25 €ko kostua du. Langabetu, ikasle eta erretiratuentzat 20 €.

Izena ematearekin batera motibazio testua bidali behar da, ikastaroarekin lotura duen norberaren esperientzia azalduz. Irailaren 30ean behin-behineko onartuen zerrenda jakinaraziko da eta ordainketa egiteko epea zabaldu (irailaren 30etik urriaren 5era, biak barne). Behin-betiko onartuen zerrenda urriaren 6an argitaratuko da.

gehiago irakurri

AGURAINEN 75 ORDU EUSKARAZen BULETINA- irailak 7

- Irailak 23, gure egoitzan (kale nagusia 12) festetarako materiala prestatzeko AUZOLANA: banderinak, txapak eta tabernarientzako txartelak. 19:30-21:30 bitarte pintxo bat jan, pixka bat lagundu eta martxa. 

gehiago irakurri

Helduen euskalduntzea sustatzeko 2016-2017 dirulaguntza deialdia

Deialdi honen xedea da 18 urtetik gorako helduen euskalduntzea sustatzea, betiere Araban eta Trebiñon erroldaratuta badaude eta 2016-2017 ikasturtean Arabako euskaltegietan matrikulatzen badira; sustapen hori Diputatuen Kontseiluaren urriaren 6ko 55/2016 Foru Dekretuak xedatutakoaren esparruan da egitekoa, zeinaren bidez onartu baitziren Euskara, Kultura eta Kirol Sailaren dirulaguntzen esleipena arautzen duten oinarriak.

Dirulaguntza hauen helburua da A1, A2, B1 eta B2 mailetako matrikularen prezioa gutxiagotzea 2016-2017 ikasturterako, Arabako edo Trebiñuko euskaltegi HABEk homologatuetan.

gehiago irakurri

Irailak 12-18, Arabako bertso-agenda

Irailak 12-18, ARABAKO BERTSO-AGENDA Bertso saio bat:

Gasteizen 2016-09-17, larunbata,

Gasteizko Salburua Bertso-bazkaria

Ordua: 14:00

Lekua: Salburua eskolako frontoia

Bertsolariak: Alaia Martin, Julen Zulaika

Gai-jartzaileak: Nieves Del Alamo Antolatzaileak: Sarburu Elkartea

gehiago irakurri

Euskararen erabilera sustatzeko lankidetza protokoloa sinatu dute Osakidetzak eta Arabako Foru Aldundiak

Lankidetza-protokolo horren itzalean, Arabako Foru Aldundiak eta Osakidetzak hainbat konpromiso hartu dituzte, besteak beste, euskararen erabileraren normalizazio-kontuetan dituzten ekintza-esparruak zehaztea, arlo honen inguruko informazioa trukatzea, burututako ekintzak nahiz abian jartzekoen eragina aztertzea, eta euskararen erabilera bultza lezaketen ekintza bateratuak proposatzea.

gehiago irakurri

KUKU! Euskara opari familia berrietan

Arabako gizartea urte luzez ari da belaunaldi berriak elebidun izatearen hautuan, hau da, seme-alabei euskara oparitzearen bidetik, argi dagoelako euskara jaso edo adoptatzen denean hiru maila ezberdintzen direla: familia transmisioa, irakaskuntza eta helduen euskalduntzea.

Euskararen Foru Zerbitzuaren II.Plan Estrategikoari jarraiki, Arabako Foru Aldundia Osakidetza Araba Eskualdea eta Arabako Ospitale Unibertsitariarekin elkarlanean programa bat jarri du abian hurrengo bi urteetan Arabako familia berri guztiei opari bat egiteko, KUKU liburua, euskararen adopzioan eta jaio berriari transmisioan laguntzeko, bai eta , ingurune eleaniztun batean familia berri bakoitzak nola jokatu jakin ahal izateko.

gehiago irakurri

Helduen jarduera fisikoetan eta kiroletan euskaraz

Arabako Foru Aldundiak Arabako Euskara Zerbitzuekin elkarlanaren bidez helduen jarduera fisikoetan euskararen erabilera handitu dadin gida bat sortu du hainbat iradokizun eta baliabiderekin, horretarako hainbat ideia eta tresna eskaintzen ditu.

Gidaren aurkezpena azaroaren 10ean Arabako Kirol Federazioen egoitzan izango da, arratsaldeko 19:00etan.

Iradokizun eta baliabideen aurkezpena Iñaki Eizmendi gizarte hezitzailearen esku izango da.

Gida deskargatzeko moduan jarraian, dokumentuak atalean edo kirol gidaren bannerrean.

gehiago irakurri

Haur eta gazteen jardueretarako hezitzaileentzako gida

Gazteekin lan egiten duten hezitzaileengan hizkuntz errutinak iratzartzeko xedez Euskararen Foru Zerbitzuak urrats eta aholku sorta dakartzan gida argitaratu du. Urrats eta aholkuok txertatzeko errazak dira kirol, kultura, aisia edota eskoletako jantokietan lan egiten duten hezitzaile edo begiraleentzat, eta euskararen gizarte erabilera egoki sustatzea du helburu.

gehiago irakurri

Albiste gehiago

Diru-laguntzak

EUSKARA SOZIALIZATZEKO DEIALDIA -ELKARTEENTZAT- Euskara sozializatzeko deialdia-Udal eta Kuadrilletarako-    
EUSKARA SOZIALIZATZEKO DEIALDIA -ELKARTEENTZAT- Euskara sozializatzeko deialdia-Udal eta Kuadrilletarako-    

Argitalpenak

BIZITZARI TXISTUKA

Bizitzari txistuka lanak azken errepertorioa biltzen du, azken bi urteetan taldean konposaturiko hamalau kantu mamitsu. Izenburuaren esanahiak adierazten duen joko bikoitzean laburbiltzen da taldeak musikarekiko eta bizitzarekiko azaltzen dituen jarrera eta konpromisoa: baikorra, alaia, sentimentala eta solidarioa, munduak eta pertsonek aurrera egin behar baitute.

Letrak

BIZITZARI TXISTUKA

Euskararen aurkibidea

mapa

Euskararen inguruko elkarte, enpresa, talde, instituzio, etab. guztiak bilatu ditzakezu hemen:


Bilaketa aurreratua

Euskararen agenda

atzera Urria 2016 aurrera
     12
3456789
10111213141516
17181920212223
24252627282930
31      
Harpidetu zaitez

Ba al zenekien?

Euskara Araban

Apunte batzuk..

© 2009 Euskaraba, Arabako Euskararen ataria - ARABAKO FORU ALDUNDIA
Probintzia plaza z/g, 01001 Vitoria-Gasteiz - Araba T.: 945 18 18 18
iametza interaktiboak garatuta
CSS | XHTML | WAI-A